عاصم بذیرچی ادبیات تاریخچی سی، تنقیدچی، مقاله یازاری و چئویرمن، 1927ده ارزینجان دا دوغولدو. ایلک اوخولو ارزینجان دا، اورتا اوخولو پاراسیز یاتیلی اولاراق ارزینجان دا اوخودو. 1950ده استانبول اونیوئرسیته سی ادبیات فاکولته سی تورک دیلی و ادبیاتی بؤلوموندن ماذون اولدو. عینی ایل، «گئرچک» قزئتینده یازارلیغا باشلایان بذیرچیف 26 ایل بویوجا محاسبه چی لیک زوروندا قالماسینا رغما اؤرنک بیر چالیشقانلیقلا چوخ سای دا اثر وئردی. آتاچ(تبار گرایی)ین اؤزنل/ایزله نیمسل تنقید آنلاییشینا قارشی نسنل / بیلمسل تنقید جیغیرینین آچیلماسی اوچون بؤیوک چابا صرف ائتدی. باشدا ناظم حکمت اولماق اوزره تانینمیش بیر چوخ یازارین اثرلرینی درله ییب یایینا حاضیرلادی. 2 تموز 1993ده سیواس توپلوقیریمیندا 34ایره لیجی آیدین و صنعتچی ایله بیرلیکده قتل ائدیلدی.
عاصم بذیرچی، ایللرجه سوره ن صبرلی چالیشمانین محصولو اولان بو کیتابدا، ناظم حکمت ین یاشامینی، شاعیرلییینی و اثرلرینی اله آلیر. دونیا گؤروشو ایله صنعتی آراسیندا کی باغی، شاعیرلییی نین گلیشیم مرحله لرینی اورتایا قویور. بونلاری، ناظم ین اثرلرینین و ناظم اوستونه یازیلمیش کیتاب و مقاله لرین تؤکومو تماملادیر. دئمک اولار، بو کیتاب، ناظم حقینده اولان ان زنگین چالیشمادیر. «آتیلا اؤزکیریملی» ناظم حکمت چالیشماسی اوچون بو دیرلندیرمه یی ائتمیشدیر: «بذیرچی نین یاپیتی اؤز آلانیندا تک ییغجام توپلو چالیشما». «حسن عزالدین دینامو» ایسه بو چالیشما اوچون «انسان، ناظم حقینده آرادیغی هر کیتابی، هر یازینی بو خزینه ده تاپا بیلر» دئمیشدیر.
سبد خرید
