شهردار

... بیز شاقراق گونش شفق لری نین آلتیندا شهردارین اتومبیلیندن دوشدوک. او، ایری، آغ، اوستو ساریشین توکلو الی نین بیرینیگوزلری نین اوستونه قویوب قاباغا باخدی، سونرا یئیین آددیم لارلا قارشی یا طرف ایره لیله دی. گونش اونون هوندور و زهیملی جثه - سینی دلیب منه طرف کئچمه یه چالیشسا دا، باجارمیردی. او، گونشله اویون اویناییر، نه ینکی اطرافینداکی انسانلاری، آیاغی نین آلتینداکی تورپاغی، قارشیسینداکی دنیزی، دنیزدن اسن کولگی، هئچ بو بویدا گوجلو گونشی ده ساسا سالمیردی. گونش اونون هوندور بویونو، آچیق ، ایری آلنینی، آلنینداکی تزه قیریش لارین آراسینا گیریب اوزونو ایشیقلاندیریر و اونو داها دا جثه لی، یاراشیقلی گوستریردی ...